KAJADIAN SAPULUH MUHAROM

1. Sapuluh bulan Muharom % sasakala dipisanggem

Mu’minin sing jadi faham % umat Islam ulah ham-ham

2. Ari anu kahijina % nabi Adam di tampina

Ditampi tina tobatna % Shopiyulloh nya titelna

3. Kaduana Nabi Idris % dilebetkeun ka surgaNa

Dinten sapuluh Muharom % henteu acan dimaotan

4. Sasakala katiluna % nabi Nuh sareng kaumna

Lungsur tina parahuna % dina sapuluh Muharomna

5. Sasakala kaopatna % nabi Ibrohim didurukna

Salamet tina seuneuna % dina sapuluh Muharomna

6. Sasakala kalimana % Taurot turun ka Musa na

Sasakala kagenepna % Yusuf bijil ti buina

7. Sasakala katujuhna % nabi Ya’qub ningalina

Sasakala dalapanna % nabi Ayub jadi damangna

8. Sasakala kasalapanna % nabi Yunus salametna

Tina lauk di lautan % anjeunna di ka daratkeun

9. Sasakala sapuluhna % cai laut dibeulahna

Ayana pitulung Alloh % Musa salamet teu ripuh

10. Sasakala sabelasna % nabi Dawud nu keur nangis

Ka Alloh neda piwelas % di ampun dosana bebas

11. Sasakala duabelas % nabi Sulaeman jelasna

Diangkat rajana jelas % di jagat baladna gigis

12. Tilu belas kangjeng Nabi % Muhammad utusannana

Dihampura ku Allohna % nu atos jeung nu bakalna

13. Ari ka opatbelasna % kawit didamel dunyana

Ari kalima belasna % kawitan turun hujanna

14. Margi kitu di sunatkeun % sadaya umat muslimin

Nyaoman dina dintennan % sapuluh Muharom meneran

15. Sareng mere kajembaran % ka putra garwa ladennan

Pek pasihan kabingahan % tuangeung tawa anggoan

16. Katerangan nu sejenna % eta mah diikhtilafkeun

Langkung sae dikantunkeun % taya hadits nu nyohehkeun #menerkeun)

Bacaan dina sapuluh Muharom

1. حَسْبِيَ اللهُ وَنِعْمَ الْوَكِيْلُ نِعْمَ الْمَوْلى وَنِعْمَ النَّصِيْرُ 70 balik

2. اية الكرسي 360 balik

Du’ana

يَامُحَوِّلَ الْحَوْلِ حَوِّلْ حَالَنَا اِلى اَحْسَنِ اْلاَحْوَالِ بِحَوْلِكَ وَقُوَّتِكَ وَقُدْرَتِكَ وَعِزَّتِكَ يَامُتَعَالى